Warning: Undefined array key "ssba_bar_buttons" in /home/u108981792/domains/ardziv.org/public_html/wp-content/plugins/simple-share-buttons-adder/php/class-buttons.php on line 602

Warning: Undefined array key "ssba_bar_buttons" in /home/u108981792/domains/ardziv.org/public_html/wp-content/plugins/simple-share-buttons-adder/php/class-buttons.php on line 602

Warning: Undefined array key "ssba_bar_buttons" in /home/u108981792/domains/ardziv.org/public_html/wp-content/plugins/simple-share-buttons-adder/php/class-buttons.php on line 602

Warning: Undefined array key "ssba_bar_buttons" in /home/u108981792/domains/ardziv.org/public_html/wp-content/plugins/simple-share-buttons-adder/php/class-buttons.php on line 602

Հայաստանի բնութիւնը լուրջ վտանգի մէջ է: «Հայաստանի Պղինձի Ծրագիր» (Armenian Copper Programme) ընկերութիւնը կը մտադրէ ստեղծել պղինձի հսկայական հանք մը, Լոռիի մարզի՝ Թեղուտ անտառային շրջանին մէջ: Անտառին մէջ կը գտնուին զանազան տարբեր բնաշխարհիկ անասուններ եւ բոյսեր որոնք լուրջ բնաջնջման վտանգի մէջ են:

Վերջերս «Հայաստանի Պղինձի Ծրագիր» ընկերութեան շնորհուած է 25 տարուան արտօնագիր, որ կ’ենթադրէ 1500 հեգտար անտառի mu ծառերու արմատախլումն ու փճացումը:

Այս վտանգաւոր ծրագiրի իրագործման իբրեւ հետեւանք, շրջանը պիտի դառնայ մեռեալ գօտի յառաջիկայ 25 տարիներու ընթացքին: Վտանգի մէջ են նաեւ տարածքին մէջ գտնուող պատմական յուշարձաններն ու հնագիտական վայրերը:

2007 թուականին, խումբ մը Հայրենի երիտասարդներու կողմէ հիմնուեցաւ «Փրկենք Թեղուտը» շարժումը, որ իր արձագանգը ունեցաւ նաեւ սփիւռքի մէջ: Այս խումբին կողքին նաեւ ստեղծուեցաւ «Մենք ենք մեր երկրի տէրերը» շարժումը, որ լուրջ աղմուկ ստեղծեց Երեւանի Մաշտոց զբօսայգիի մէջ անտեղի կրպակներ կառուցելու աշխատանքին դէմ:

Այս երիտասարդական շարժումը կը փաստէ թէ Հայաստանի նոր սերունդը պատրաստ է պաշտպանելու Հայաստանի քաղաքական, ընկերային եւ բնութեան հետ առնչուող վտանգաւոր անարդարութիւններու դէմ:

«Ասպարէզ» օրաթերթի աւագ-խմբագիր, ընկեր Աբօ Պողիկեան կը գրէ՝ «Հայաստանի մէջ բնապահպանական շարժումը ամէն հնարաւորութիւն ունի վերածուելու հզօր ուժի մը: Յատկապէս երիտասարդական նկարագիր ունենալով, մաքուր, անապական աղբիւրներէ ստացած իր ներշնչումներով՝ այս շարժումը կրնայ հայրենի ժողովուրդին, ինչու չէ նաեւ սփիւռքահայ համայնքներուն մէջ բոցավառել մեր իրականութեան մէջ բարեփոխութիւնը կարելի ու հնարաւոր տեսնելու յոյսն ու հաւատքը:»